- Album Intro
- Lyrics
- Album list
陳維斌
-
黑白的彩虹
Lyricist:陳維斌 Composer:陳維斌
右手提著一張彩色的相 Sakura 開到滿滿親像海洋 我歸傢伙仔坐佇滿地花中 比花較媠的 是咱的囝仔天真善良 彩色的相予我的心情安詳 東京是我的家鄉
左手提著一張黒白的相 褪色的風景小可灰灰茫茫 艋舺大稻埕賰無偌濟印象 永遠袂變的 是學生時代妳的笑容 黒白的相是我青春的彩虹 台北是我的故鄉
彩色的相佮黒白的相 叨一邊是我夢中出現的影像 故鄉家鄉 叨一邊是我未來的方向
兩張的相攏是我的幸福 過去的腳步佮即馬的路途 毋是全快樂嘛有淡薄仔苦楚 在人按怎講 是我用雙手開出來的路 兩張的相收佇心內的相簿 變做身軀的一部
彩色的相佮黒白的相 叨一邊是我夢中出現的影像 故鄉家鄉 叨一邊是我未來的方向 叨一邊是我未來的方向
------------------------------------------
22597/《烏白的彩虹》Oo-pe̍h ê Tshái-hông 陳維斌Tân Uî-pin
正手提著 tsiànn-tshiú the̍h tio̍h 一張彩色的像 tsi̍t-tiunn tshái-sik ê siōng Sakura開甲滿滿 Sakura khui kah muá-muá 親像海洋 tshin-tshiūnn hái-iông 我規家伙仔 guá kui-ke-hé-á 坐佇咧滿地花中 tsē tī-eh muá-tē hue-tiong 比花較媠的 pí hue khah suí--ê 是咱的囡仔 sī lán ê gín-á 天真善良 thian-tsin siān-liông
彩色的像 tshái-sik ê siōng 予我的心情安詳 hōo guá ê sim-tsîng an-siông 東京是我的家鄉 Tang-kiann sī guá ê ka-hiong
倒手提著 tò-tshiú the̍h tio̍h 一張烏白的像 tsi̍t-tiunn oo-pe̍h ê siōng 退色的風景 thuè-sik ê hong-kíng 小可殕殕茫茫 Find more lyrics at ※ Mojim.com sió-khuá phú-phú bông-bông 艋舺大稻埕 Báng-kah Tuā-tiū-tiânn 賰無偌濟印象 tshun bô guā-tsuē ìn-siōng 永遠無變的 íng-uán bô-piàn--ê 是學生時代 sī ha̍k-sing sî-tāi 你的笑容 lí ê tshiò-iông
烏白的像 oo-pe̍h ê siōng 是我青春的彩虹 sī guá tshing-tshun ê tshái-hông 臺北是我的故鄉 Tâi-pak sī guá ê kòo-hiong
彩色的像 tshái-sik ê siōng 佮烏白的像 kah oo-pe̍h ê siōng 佗一爿 tó tsi̍t-pîng 是我夢中出現的影像 sī guá bāng-tiong tshut-hiān ê iánn-siōng 故鄉 kòo-hiong 家鄉 ka-hiong 佗一爿 tó tsi̍t-pîng 是我未來的方向 sī guá bī-lâi ê hong-hiòng
兩張的像 nn̄g-tiunn ê siōng 攏是我的幸福 lóng-sī guá ê hīng-hok 過去的跤步 kuè-khì ê kha-pōo 佮這馬的路途 kah tsit-má ê lōo-tôo 毋是全快樂 m̄-sī tsuân khuài-lo̍k 嘛有淡薄仔苦楚 mā ū tām-po̍h-á khóo-tshóo 在人按怎講 tsāi-lâng án-tsuánn kóng 是我用雙手 sī guá iōng siang-tshiú 開出來的路 khui--tshut-lâi ê lōo
兩張的像 nn̄g-tiunn ê siōng 收佇心內的相簿 siu tī sim-lāi ê siòng-phōo 變做身軀的一部 piàn-tsuè sin-khu ê tsi̍t-pōo
彩色的像 tshái-sik ê siōng 佮烏白的像 kah oo-pe̍h ê siōng 佗一爿 tó tsi̍t-pîng 是我夢中出現的影像 sī guá bāng-tiong tshut-hiān ê iánn-siōng
故鄉 kòo-hiong 家鄉 ka-hiong 佗一爿 tó tsi̍t-pîng 是我未來的方向 sī guá bī-lâi ê hong-hiòng
- Special thanks to W.B. Chen for correcting the lyric.
|