- Lyrics
- Album list
- Singer Intro
鄭進一
-
稻草人
Lyricist:鄭進一 Composer:鄭進一
田岸站著一仙稻草人 抹珍擱抹凍 抹吵抹鬧抹停工 一領破衫穿歸冬 一隻雀仔看甲怔怔 惦身邊飛列飛列想空想旁 田內稻仔 飽穗擱香 牠想要偷吃 不知咁通 不知已經過了外多時間 鳥仔吆甲頭暈目眩 稻草人猶原無珍動 這時袸鳥仔才知 這建已經無望 去踢到鐵板
田岸站著一仙稻草人 無腳也無手 無耳無鼻無瞅 歸年趟天無公休 一陣風雨無意無思 七月半落啊落啊落尬中秋 無人關心伊的身軀 無人聽伊哼甲半句 惦在這個世間無朋無友 出世又擱無父無母 稻草人只有一個心事 是愛擱站多久 才會得到自由 放伊甘休
-----------------------------------------
《稻草人》Tiū-tsháu-lâng 鄭進一 Tēnn Tsìn-it
田岸徛一仙稻草人 tshân-huānn khiā tsi̍t-sian tiū-tsháu-lâng 袂振閣袂動 buē tín koh buē tāng 袂吵袂鬧袂停工 buē tshá buē nāu buē thîng-kang 一領破衫穿規冬 tsi̍t-niá phuà-sann tshīng kui tang
一隻雀鳥仔看甲愣愣 tsi̍t-tsiah tshik-tsiáu-á khuànn kah gāng-gāng 踮身邊飛咧飛咧 tiàm sin-pinn pue--leh pue--leh 想空想縫 siūnn-khang-siūnn-phāng 田內稻仔 tshân-lāi tiū-á 飽穗閣芳 pá-suī koh phang 伊想欲偷食 i siūnn-beh thau-tsia̍h 毋知敢通 m̄-tsai kám thang
毋知已經過了偌濟時間 Find more lyrics at ※ Mojim.com m̄-tsai í-king kuè-liáu guā-tsē sî-kan 鳥仔枵甲頭眩目暗 tsiáu-á iau kah thâu-hîn-ba̍k-àm 稻草人猶原無振動 tiū-tsháu-lâng iu-guân bô tín-tāng 這時陣鳥仔才知 tsit sî-tsūn tsiáu-á tsiah tsai 這見已經無望 tsit kiàn í-king bô-bāng 去踢著鐵枋 khì that tio̍h thih-pang
田岸徛一仙稻草人 tshân-huānn khiā tsi̍t-sian tiū-tsháu-lâng 無跤也無手 bô kha iā bô tshiú 無耳無鼻無目睭 bô hīnn bô phīnn bô ba̍k-tsiu 規年迵天無公休 kui-nî-thàng-thinn bô kong-hiu
一陣風雨無意無思 tsi̍t-tsūn hong-hōo bô-ì-bô-sù 七月半落啊落啊 tshit-gue̍h-puànn lo̍h--ah lo̍h--ah 落到中秋 lo̍h kàu tiong-tshiu 無人關心伊的身軀 bô-lâng kuan-sim i ê sin-khu 無人聽伊哼甲半句 bô-lâng thiann i hainn kah puànn-kù
踮在這个世間無朋無友 tiàm-tsāi tsit-ê sè-kan bô-pîng-bô-iú 出世又閣無爸無母 tshut-sì iū-koh bô-pē-bô-bú 稻草人只有一个心事 tiū-tsháu-lâng tsí-ū tsi̍t-ê sim-sū 是愛閣徛偌久 sī ài-koh khiā guā kú 才會得著自由 tsiah-ē tit-tio̍h tsū-iû 放伊干休 pàng i kan-hiu
- Special thanks to W.B. Chen for correcting the lyric.
- Related Links: W.B. Chen
|