- Lyrics
- Album list
Baboo
-
尪仔標的世界
Lyricist:林暐哲 Composer:林暐哲
我做囝仔的時陣 不知啥米叫做無伴 功課那咧寫 外口都那咧喚(喂出來喔搧尪仔標喔) 彼個死囝仔阿文尚大聲 每拜害我去給阮母仔罵 不過愈罵心肝煞愈癢 功課連一半著寫沒了 尪仔標沙咧著沒看耶影 攏無驚到時陣會吃兩頓打
暗頓吃媽媽 早頓老師請 反正手也未膨泡 尪仔標一定愛搧贏
義美耶鐵餅盒仔裡底 圓圓仔尪仔標一桶一桶 有新 有舊 有贏來 有買來 攏總馬有歸囉百張
我沒別項會賽 搧尪仔標尚厲害 我沒別項會賽 尪仔標是我的世界
尪仔標給媽媽燒了了 我開始瞭解什麼叫做無情 尪仔標咧著火 我心內的火咧著(唉查某人心肝真雄)
阿文帶頭耶那陣猴囝仔 自那拜著未曾來招我去遊玩 害我讀冊愈讀愈無心情 功課歸去煞攏沒寫 鉛筆舉咧嘴耶黑白咬 對人生我開始感覺無聊
三頓照常吃 打罵攏不驚 等我後拜大漢 尪仔標一定愛賺飽飽
銀行耶屜仔內底 四四角角耶尪仔標一塔一塔 有新 有舊 大筆 小筆 一天嘛有歸囉百萬
我沒別項會賽 數尪仔標尚厲害 我沒別項會賽 我活在尪仔標的世界 我活在尪仔標的世界 尪仔標是我的世界
------------------------------------------
14857/《尪仔標的世界》Ang-á-phiau ê Sè-kài Baboo樂團
我做囡仔的時陣 guá tsò gín-á ê sî-tsūn 毋知啥物叫做無伴 m̄-tsai siánn-mih kiò-tsò bô-phuānn 功課那咧寫 kong-khò ná leh siá 外口就那咧喝 guā-kháu tō ná leh huah ↓---(口白)---↓ 喂~出來喔 uê~ tshut--lâi ooh 搧尪仔標喔 siàn ang-á-phiau--ooh ↑---(口白)---↑
彼箍死囡仔阿文 hit khoo sí-gín-á A-bûn 上大聲 siōng tuā-siann 逐擺害我 ta̍k-pái hāi guá 去予阮母仔罵 khì hōo gún bú--á mā 毋過愈罵 m̄-koh jú mā 心肝煞愈擽 sim-kuann suah jú ngiau 功課連一半 kong-khò liân tsi̍t-puànn 都寫無了 to siá bô-liáu 尪仔標捎咧 ang-á-phiau sa--leh 就無看著影 tō bô khuànn-eh iánn 攏毋驚到時陣 lóng m̄-kiann kàu-sî-tsūn 會食兩頓拍 ē tsia̍h nn̄g-tǹg phah
暗頓食媽媽 àm-tǹg tsia̍h má-mah 早頓老師請 tsá-tǹg lāu-su tshiánn 橫直手曷袂膨疱 huînn-ti̍t tshiú a̍h buē phòng-phā 尪仔標一定愛搧贏 ang-á-phiau it-tīng ài siàn iânn
義美的鐵餅盒仔內底 Gī-bí ê thih piánn-a̍p-á lāi-té 圓圓的尪仔標 Find more lyrics at ※ Mojim.com înn-înn ê ang-á-phiau 一緟一緟 tsi̍t-thōng-tsi̍t-thōng 有新有舊 ū sin ū kū 有贏來 ū iânn--lâi 有買來 ū bé--lâi 攏總嘛有幾若百張 lóng-tsóng mā ū kuí-lō pah tiunn
我無別項會使 guá bô pa̍t-hāng ē-sái 搧尪仔標上厲害 siàn ang-á-phiau siōng lī-hāi 我無別項會使 guá bô pa̍t-hāng ē-sái 尪仔標是我的世界 ang-á-phiau sī guá ê sè-kài
尪仔標予媽媽燒了了 ang-á-phiau hōo má-mah sio liáu-liáu 我開始了解 guá khai-sí liáu-kái 啥物叫做無情 sánn-mih kiò-tsuè bô-tsîng 尪仔標咧著火 ang-á-phiau leh to̍h-hué 我心內的火咧著 guá sim-lāi ê hué leh to̍h 唉~查某人心肝真雄 haih~ tsa̋u-lâng sim-kuann tsin hiông
阿文𤆬頭的 A-bûn tshuā-thâu ê 彼陣猴囡仔 hit-tīn kâu-gín-á 自彼擺就毋捌 tsū hit-pái tō m̄-bat 來招我𨑨迌 lâi tsio guá thit-thô 害我讀冊 hāi guá tha̍k-tsheh 愈讀愈無心情 jú tha̍k jú bô-sim-tsiânn 功課規氣煞攏無寫 kong-khò kui-khì suah lóng bô siá 鉛筆攑咧喙咧 iân-pit gia̍h leh tshuì--eh 烏白咬 oo-pe̍h kā 對人生 tuì jîn-sing 我開始感覺無聊 guá khai-sí kám-kak bô-liâu
三頓照常食 sann-tǹg tsiàu-siông tsia̍h 拍罵攏毋驚 phah-mā lóng m̄-kiann 等我後擺大漢 tán guá āu-pái tuā-hàn 尪仔標一定愛趁飽飽 ang-á-phiau it-tīng ài thàn pá-pá
銀行的屜仔內底 gîn-hâng ê thuah-á lāi-té 四四角角的尪仔標 sì-sì-kak-kak ê ang-á-phiau 一疊一疊 tsi̍t-tha̍h-tsi̍t-tha̍h 有新有舊 ū sin ū kū 大筆小筆 tuā-pit sió-pit 一工嘛有幾若百萬 tsi̍t-kang mā ū kuí-lō pah-bān
我無別項會使 guá bô pa̍t-hāng ē-sái 算尪仔標上厲害 sǹg ang-á-phiau siōng lī-hāi 我無別項會使 guá bô pa̍t-hāng ē-sái 我活佇尪仔標的世界 guá ua̍h tī ang-á-phiau ê sè-kài 我活佇尪仔標的世界 guá ua̍h tī ang-á-phiau ê sè-kài 尪仔標是我的世界 ang-á-phiau sī guá ê sè-kài 尪仔標是我的世界 ang-á-phiau sī guá ê sè-kài 尪仔標是我的世界 ang-á-phiau sī guá ê sè-kài
- Special thanks to W.B. Chen for correcting the lyric.
- Related Links: W.B. Chen
|